Ma'lumotlar ombori nazorati (Database control)

Ushbu bo'lim, yaratilayotgan dastur uchun ma'lumotlar omboriga ulanish va nazorat qilish imkoniyatini taqdim etadi.

Ma'lumotlar ombori nazorati

---

Ma'lumotlar ombori nazorati (Database control) bo'limi, dasturchilarga turli xil turdagi yoki turli serverlardagi ma'lumotlar ombori bilan ulanish imkoniyatini beradi. Bu bo'limga o'tish uchun quyidagi ketma-ketlikka amal qilish lozim:

Asosiy oyna -> Tizim sozlamalari -> Ma'lumotlar ombori nazorati

Ma'lumotlar omborini yaratish

---

Ma'lumotlar omborini qo'shish uchun Database yaratish tugmasi tanlanishi kerak, va shunda ekranda quyidagicha forma hosil bo'ladi:

1. Ma’lumotlar bazasi turini tanlang (Select database type) - tizim 5 turdagi ma'lumotlar ombori bilan ulanish imkoniyatini taqdim etadi:

   1. MySQL - ochiq kodli (Open Source), Oracle korporatsiyasi tomonidan qo'llab-quvvatlanadigan, mashhur relyatsion ma'lumotlar omborini boshqarish tizimi (RDBMS) laridan biri.

   2. PostgreSQL - ochiq kodli obyekt-relyatsion ma'lumotlar ombori tizimi. U o'zining ishonchliligi, standartlarga qat'iy rioya qilishi (SQL compliance) va murakkab so'rovlarni hamda katta hajmdagi ma'lumotlarni samarali qayta ishlashi bilan ajralib turadi. Ko'pincha murakkab backend tizimlarida ishlatiladi.

   3. SQL Server - Microsoft tomonidan ishlab chiqilgan relyatsion ma'lumotlar omborini boshqarish tizimi. Asosan korporativ muhitda, yirik biznes tizimlarida va .NET texnologiyalari bilan integratsiya qilingan loyihalarda keng qo'llaniladi. Transact-SQL (T-SQL) tilidan foydalanadi.

   4. Clickhouse - Katta hajmdagi ma'lumotlarni real vaqt rejimida analiz qilish (OLAP) uchun mo'ljallangan, ustunli (column-oriented) ochiq kodli ma'lumotlar ombori. U analitik so'rovlarni bajarish tezligi bo'yicha an'anaviy qatorli (row-oriented) tizimlardan (MySQL, Postgres) bir necha barobar tezroq ishlaydi.

   5. Oracle - Oracle korporatsiyasining flagman mahsuloti bo'lib, ishonchli, xavfsiz va keng ko'lamli (scalable) ma'lumotlar ombori hisoblanadi.

2. Database - Ma'lumotlar ombori nomi;

3. Name - Yagona (unique) nom, tizim, ushbu nom bilan konfiguratsiya fayl yaratadi, shuning uchun u yagona bo'lishi (takrorlanmasligi) maqsadga muvofiq;

4. Username - Ma'lumotlar ombori foydalanuvchi nomi;

5. Parol - Ma'lumotlar ombori foydalanuvchi paroli;

6. Host - Ma'lumotlar ombori joylashgan host URI si yoki IP manzili;

7. Port - Ma'lumotlar ombori joylashgan host porti;

8. JDBC URL - Ma'lumotlar omboriga ulanish uchun avtomatik generatsiya qilinadigan JDBC manzil;

9. Enable - Yaratilayotgan ma'lumotlar ombori joriy dastur uchun foydalanish yoki foydalanmaslikni belgilaydigan tugma;

Ma'lumotlar omborini tahrirlash

---

Actions bo'limidan, tahrirlash tugmasi (icon) orqali, ma'lumotlar ombori konfiguratsiyasini moslashtirish mumkin:

Ma'lumotlar omborini o'chirish

---

Actions bo'limidan, o'chirish tugmasi (icon) orqali, ma'lumotlar ombori konfiguratsiyasini o'chirish mumkin: